Tơ̆ jơ bơ̆jang, dôm bơngai tang măt tơgop nơ̆r ‘lơ̆ng, vă tơgop lơ̆m tơdrong jang pơjing Hla ar Hop akŏm 14, lơ̆m noh akŏm găh lơ lơ̆m hơlen lăng găh tơdrong hơtŏk tơiung mŭk drăm - tơpôl đơ̆ng blŭng jăl jang truh dang ei; pơm rơđăh tơdrong hơtŏk tơiung ‘nao, hiôk, long nol păng dôm tơdrong tơlĕch ăn; băt hơdăh trong bơ̆jang hơtŏk tơiung lơ̆m jăl jang ‘nao.

Pơma tơ̆ Hop akŏm, ƀok Nguyễn Xuân Thắng pơma hơdăh, tơ̆ hơnăp kơnh, kŭm hăm tơdrong akŏm bơ̆jang kiơ̆ kơtang, đei yua hloh dơ̆ng hơnăp jang tơchĕng hơlen, apĭnh hăm Đảng găh trong jang tơgŭm, trong jang hơtŏk tơiung mŭk drăm - tơpôl, Anih jang Mŭk drăm Trung ương kăl hơnơ̆ng kơchăng, tơgŭm hơdrol pơma dơnuh, tơgop nơ̆r ăn tơdrong pơjing chih hơmet dôm Hla ar pơtruh ăn Hop akŏm 14 kơ Đảng.