Sơnăm 2023, tơdrong hơtŏ hơnơ̆ng kơplăh drŏ kăn hăm drŏ nglo hơnơ̆ng iŏk đei tơdrong tơrek đơ̆ng dôm anih jang, tơring tơrang lơ̆m dêh char Đắk Lắk păng jang đei lơ tơdrong tôch ‘lơ̆ng. Dôm tơdrong hơgăt găh hơtŏ băl đơ̆ng drŏ kăn hăm drŏ nglo đêi bôh lơ tơdrong ‘lơ̆ng ƀiơ̆ pơting hăm sơnăm 2022, mă loi jĭ dôm tơdrong hơgăt găh pơtho pơhrăm, teh dong lơ̆m hnam tơnŏ.

Anih vei lăng kon pơlei dêh char Đắk Lắk hlôi hơtŏk tơdrong tơroi tơbăt, pơtho tơƀôh dôm trong jang đơ̆ng Đảng, tơdrong tơgŭm, khôi luơ̆t teh đak găh dôm tơdrong tơgŭm ăn kon kông, Luơ̆t Iŏk unh om păng hnam tơnŏ, dôm tơdrong răm đơ̆ng iŏk unh om hrôih păng oei băl hơgăm; chih hơmet hơnăn dôm tơdrong juăt găh iŏk unh om, hnam tơnŏ vă tơlĕch jang kiơ̆ tơ̆ tơring; bơ̆ jang ‘lơ̆ng tơdrong hơgăt găh iŏk unh om, hrĕch hơchăng băl, hơnăp bơngai pơm mĕ, pơm ƀă hăm kon hơ ‘lơ̆p đơ̆ng rŏng kơ hrĕch hơchăng.

Yă Nguyễn Thị Kim Thúy, Phŏ Kơdră Anih vei lăng tơpôl kơ Quốc hội, Kơdră chĕp kơ̆l khul dăr lăng chih răk păng tơchĕng ‘lơ̆ng dôm tơdrong jang đei đơ̆ng dêh char Đắk Lắk, hơdai hăm ‘nŏh athei dêh char đei trong jang mă hơdăh ƀiơ̆ vă tơlĕch jang kiơ̆ tơdrong tơgŭm, khôi luơ̆t găh hơtŏ hơnơ̆ng kơplăh drŏ kăn hăm drŏ nglo, Luơ̆t Iŏk unh om păng Hnam tơnŏ.