Ƀok Nguyễn Trọng Nghĩa, Bí thư Trung ương Đảng, Kơdră chĕp kơ̆l Ban Tuyên giáo Trung ương, pơm Kơdră chĕp kơ̆l khul pơgơ̆r hop akŏm. Pơma tơ̆ hop akŏm, ƀok Nguyễn Trọng Nghĩa pơma hơdăh: Tơdrong dăr lăng ‘nŏh jĭ tơdrong jang hơnơ̆ng lơ̆m rim sơnăm đơ̆ng Anih tơm Chinh trĭ, Ban Bí thư, kiơ̆ đơ̆ng nŏh chă ƀôh păng pơih xă lơ trong jang hơiă, gơ̆h hơgei.

Atŭm hăm ‘nŏh, kiơ̆ đơ̆ng hơlen năng kŭm ƀôh hloi dôm tơdrong tam mă pran ‘lơ̆ng, kơ lih yoa kiơ, chih hơdăh hơnăp jang đơ̆ng rim bơngai, anih jang. Ƀok athei, lơ̆m khei ‘năr tơlĕch jang, Khul jang păng dôm anih jang đei dăr lăng bơ̆ jang ‘lơ̆ng dôm tơdrong hơgăt, nơ̆r athei dăr hơlen; pơm ‘lơ̆ng kiơ̆ trong jang kon pơlei pơm tơm, tơpăt ‘lơ̆ng, rơđăh rơđong, trŏ ƀlep, tơƀôh đon jang tơnăp, kơpal hơla mĭnh jơ hngâm yoa tơdrong jang atŭm.