Pơma tơ̆ jơ bơ̆jang, ƀok Hoàng Đăng Quang tơbăt, vă hơmet ăn Hop akŏm XIV kơ Đảng, Khŭl kơdră chĕp kơ̆l pơgơ̆r Trung ương hlôi pơjing dôm khŭl jang, lơ̆m noh đei Grŭp chih tơdrong hơgăt Đảng đei pơjao hơnăp jang pơjing, tơroi tơbăt ăn Khŭl kơdră chĕp kơ̆l pơgơ̆r Trung ương jăl XIII găh pơtôch, pơjing Đảng păng pơgơ̆r 15 sơnăm jang kiơ̆ tơdrong hơgăt Đảng.

Đơ̆ng iŏk yua yan âu đơ̆ng Đảng bộ pơlei tơm Cần Thơ lơ̆m tơdrong jang pơjing Đảng păng jang kiơ̆ tơdrong hơgăt Đảng, đơ̆ng noh đei dôm nơ̆r apĭnh, athei hăm Hop akŏm XIV kơ Đảng. Ƀok Hoàng Đăng Quang athei kăl kơ akŏm, tơblang hơdăh dôm jơnei ‘lơ̆ng kơ 10 hơnăp jang pơjing Đảng, lơ̆m noh bơ̆jang kiơ̆ 3 hơnăp jang tơm păng 3 trong jang ‘lơ̆ng mă tơdrong Tơchơ̆t đơ̆ng Đảng bộ pơlei tơm Cần Thơ hlôi tơlĕch ăn.