Kiơ̆ roi tơbăt pơtôch, Khŭl chĕp kơ̆l pơgơ̆r Anih jang Đảng dêh char Đắk Lắk hlôi pơgơ̆r jang kiơ̆ kơjăp, tơchĕng hơlen, tơlĕch jang dôm Tơdrong tơchơ̆t, Athei, Pơtôch đơ̆ng Trung ương; tơlĕch ăn dôm hla ar chĕp kơ̆l, pơgơ̆r dôm anih jang kơpal, anih jang tơlĕch jang kiơ̆ pơtôch Tơdrong tơchơ̆t 18, Hla ar Pơtôch 121, Hla ar Athei 35, Tơchơ̆t 57, Hla ar pơtôch 123 păng dôm hla ar pơtôch ƀơm truh đơ̆ng Trung ương. Khŭl chĕp kơ̆l pơgơ̆r Anih jang Đảng dêh char hlôi tơpăt, tơtom lơ̆m tơdrong jang hơmet ăn Hop akŏm Đảng rim tơring; tơdrong jang bơngai jang đei pơgơ̆r kơjăp, pơ ‘lơ̆ng, ƀlep tơdrong kăl, trong jang, jang kiơ̆ trong tơ jur jang đơ̆ng Trung ương, vei sơđơ̆ng jang pơtăl păng hơtŏk tơiung.

Khŭl chĕp kơ̆l pơgơ̆r Anih jang Đảng dêh char Đắk Lắk kŭm akŏm chĕp kơ̆l, pơgơ̆r Tơdrong jang proh hơmet khŭl jang, tơ jur tŏ sĕt bơngai jang kiơ̆ tơdrong Tơchơ̆t 18; tŭn pran iŏk yua, hơtŏk tơiung khoa hŏk kơmăy kơmŏk, tơplih ‘nao pơchĕh hơgei păng tơpliih kơsô̆. Tơdrong tơm jang tŏk sơnăm 2025 đei hơmet ming tŏk 8% lăp hăm athei đơ̆ng Trung ương.