Kiơ̆ tơbăt, đơ̆ng sơnăm 2020 truh dang ei, dêh char Dak Lăk hlôi pơjing 16 hla bơar tơchơ̆t găh tơdrong jang nô̆i nŭ.

Tơ̆ jơ bơ̆ jang, dêh char Dak Lăk jei pơma tơbăt mĭnh ƀar tơdrong tơnap tap, tơhlăk tơhlĭn, ưh kơtrŏ lăp lơ̆m tơlĕch jang kiơ̆ bơ̆ jang dăr lăng, hơmet pơ ‘lơ̆ng hla bơar tơchơ̆t găh tơdrong jang nô̆i vŭ; adoi apĭnh athei Hơnih tơm Nô̆i vŭ lăng hơlen, dăr lăng vă pơprŏ ăn ƀiên chê̆ bơngai jang trŏ lăp hăm dôm tơdrong kơ dêh char; pơtho tơbăt tơchơ̆t mă hơdăh tơdrong pơm kơtoei ƀiên chê̆ kơ hơnih jang pơtho pơhrăm, tơgop lơ̆m mĭnh păh pơm sơđơ̆ng jang kiơ̆ ƀlep tơdrong Tơchơ̆t, adoi sơđơ̆ng ăn măt bơngai ƀok thây kô pơtho kiơ̆ tơdrong pơkăp... Ƀok Triệu Văn Cường, Kơ iĕng Kơdră chĕp pơgơ̆r Hơnih tơm Nô̆i vŭ, hôn bơnê kơtang dôm tơdrong jơnei mă dêh char iŏk đei lơ̆m khei năr ou ki, păng athei dêh char kăl tơmơ̆t dơ̆ng păng tơblang hơdăh mĭnh ƀar tơdrong oei tim mă tôm tong hlôi đei tơƀôh tơbăt hơdăh lơ̆m jơ bơ̆ jang.