Pơma tơ̆ jơ bơ̆ jang Kơdră tơm jang tơbôl Bùi Thanh Sơn, chih răk, tơchĕng ‘lơ̆ng dôm tơdrong mă dêh char Kon Tum jang đei mưh atŏk tơiung mŭk drăm, tơpôl, atŭm hăm ‘nŏh pơma hơdăh: Hăm anih dơ̆ng gĭt kăl, kŭm hăm tơdrong jang hơmet kơjăp tơdrong vei lăng sơđơ̆ng teh đak, tơdrong jang atŏk tơiung mŭk drăm, tơpôl kơ dêh char Kon Tum đei ƀơm truh tih tơ̆ tơring Tây Nguyên kŭm nhen lơ̆m tơring kơlang 3 pang jang tŏk Việt Nam- Lào- Campuchia.

Ƀât mă oei đei tơdrong pơmat tat, pơlong nol, Khul kơ dră tĕh đak đei đon pơhnŏng lơ̆m sơnăm 2024 khŏm jang đei rim tơdrong ‘lơ̆ng ƀiơ̆ kơ sơnăm 2023 vă pơih trong jang đang ‘lơ̆ng rim tơdrong mă Hop akŏm Đảng ‘măng mă XIII tơlĕch. Vă mŭk drăm, tơpôl dêh char Kon Tum tŏk ‘lơ̆ng athei băt hơdăh dôm tơdrong pơmat tat, đei trong hơmet pơ ‘lơ̆ng tơtom, akŏm đei jơhngâm pran, iŏk yoa rim tơdrong ‘lơ̆ng tơ̆ tơring.