‘Năr brei (30/5), Khul jang đơ̆ng Khul chih hla ar kăl ăn Hop akŏm mă XIV kơ Đảng yoa ƀok Nguyễn Xuân Thắng, Kơdră vei lăng Khul chih tơblang kơ Trung ương, Kơdră chĕp kơ̆l Hnam hŏk Chính trị quốc gia Hồ Chí Minh, Kơdră chĕp kơ̆l Khul chih hla ar kăl, Bơngai vei lăng Khul chih hơmet Hla ar kăl ăn Hop akŏm mă XIV chĕp kơ̆l bơ̆ jang hăm Khul kơdră chĕp kơ̆l Anih jang đảng plt Hải Phòng.

Tơ̆ jơ bơ̆ jang, ƀok Nguyễn Xuân Thắng tơchĕng ‘lơ̆ng jơhngâm đon tơplih ‘nao, pơ̆n tơchĕng, pơ̆n jang, adrin yak hlŏh rim tơdrong pơmat tat, pơlong nol đơ̆ng Đảng ƀô̆, khul kơdră pơgơ̆r păng kon pơlei plt Hải Phòng. Ƀok athei plt Hải Phòng hơnơ̆ng akŏm jơhngâm chĕp kơ̆l pơgơ̆r jang đang ‘lơ̆ng hlŏh dôm tơdrong hơgăt mă Tơdrong tơchơ̆t đơ̆ng Hop akŏm Đảng ƀô̆ plt ‘măng mă XVI hlôi tơlĕch; hơtŏk tơdrong ‘lơ̆ng lơ̆m tơdrong arih xa ăn kon pơlei; hơtŏk tơdrong jang hơdoi tơ̆ tơring păng vang jang đei yoa ‘lơ̆ng dôm trong jang mŭk drăm; đơ̆ng noh, bơ̆ jang đei đon pơhnŏng truh sơnăm 2030, hơnhăk Hải Phòng jing plt jang kơmăy kơmŏk ‘nao, gơ̆h hơgei, kơjăp ‘lơ̆ng, tơƀôh hơnăp hơnăp jang tŏk pran ‘lơ̆ng kơ teh đak.