Roi tơbăt tơ̆ hop akŏm, lơ̆m khei 10/2024, tơdrong mŭk drăm - tơpôl kơ dêh char Đắk Lắk hơnơ̆ng hơtŏk tơiung sơđơ̆ng, vă đĭ đăng dôm tơdrong hơgăt tă kơ tŏk ngăl pơting hăm khei ‘nâu sơnăm 2023. 

Bí thư Anih jang Đảng dêh char Đăk Lắk Nguyễn Đình Trung athei rim kơdră tơ̆ dêh char kăl kơ akŏm chĕp kơ̆l, pơgơ̆r bơ̆jang kiơ̆ ‘lơ̆ng dôm hơnăp jang kơ sơnăm 2024; pơgơ̆r jơnei Lêh tơbăt 120 sơnăm Năr pơjing dêh char; hơmet ăn ‘lơ̆ng ăn pơgơ̆r Hop akŏm Đảng bộ dêh char ‘măng mă XVIII; tơtĕnh tơlĕch jang Proh hơmet tơring Tây Nguyên, Proh hơmet dêh char Đắk Lắk jăl jang 2021 - 2030, lăng truh sơnăm 2050 kiơ̆ trong tơlĕch jang; tŭn hrĕnh tơdrong jang pơm trong gre kơdâu hrĕnh Khánh Hòa - Buôn Ma Thuột.