Pơgê 16/5, tơ̆ Anih jang kơ Trung ương Đảng, hăm tơdrong pơgơ̆r đơ̆ng Tổng Bí thư Nguyễn Phú Trọng, Khul kơdră chĕp kơ̆l Trung ương Đảng jăl XIII pơih pơgơ̆r hop akŏm ‘măng mă 9. Tơ̆ Hop akŏm ‘măng mă âu, Khul kơdră chĕp kơ̆l Trung ương vă pơma nuh găh dôm tơdrong: Hla ar chih kăl vă tơroi lơ̆m Hop akŏm ‘măng mă XIV kơ Đảng; hơmet ăn tơdrong pơgơ̆r Hop akŏm đảng ƀô̆ jơ̆p tơring năm truh Hop akŏm mă XIV kơ Đảng păng 1,2 tơdrong kăl nai.

Pơma pơih blŭng hop akŏm, Tổng Bí thư Nguyễn Phú Trọng pơma hơdăh: Kiơ̆ trong vă jang, Hop akŏm bơngai tang măt lơ̆m teh đak ‘măng mă XIV kơ Đảng vă pơgơ̆r ƀât blŭng sơnăm 2026, trŏ 1 jăl jang 5 sơnăm đĭ đăng Đảng, đĭ đăng kon pơlei, đĭ đăng khul linh bơ̆n adrin bơ̆ jang kiơ̆ Tơdrong tơchơ̆t đơ̆ng Hop akŏm mă XIII kơ Đảng. Tơdrong hop akŏm Trung ương ‘măng mă âu tôch gĭt kăl, Tổng Bí thư Nguyễn Phú Trọng athei, Trung ương păng dôm bơngai tang măt vang truh hop akŏm hơtŏk đon rơgei, đon jang tơnăp, akŏm jơhngâm tơchĕng hơlen, pơma nuh mă hơlen, tơgop nơ̆r vă hơmet pơ ‘lơ̆ng rim hla ar chih tơroi, hơlen năng păng tơchơ̆t ƀât hơtuch hop akŏm.