Tơ̆ jơ tơƀơ̆p, tang măt ăn rim hơnih chih kơtơ̆ng ang hlôi pơma tơbăt jơhngơ̆m đon ‘meh vă dêh char Lâm Đồng kăl hơnơ̆ng bơ̆ jang ‘lơ̆ng phăl hơlăng hloh dơ̆ng lơm tơdrong tơbăt ăn kơtơ̆ng ang trŏ lăp, pơjing rơvơn vă hơnih chih kơtơ̆ng ang bơ̆ jang ‘lơ̆ng tơdrong jang pơrô̆ pơrôp, pơtho tơbăt tơpôl, iung jang ‘lơ̆ng hơnăp jang pơm gơng tơroh kloh klĕch ƀar păh Đảng, Teh đak hăm Kon pơlei ... tơbăt hơdăh tơdrong vang iung jang hơdoi hăm atŏk tơ iung atŭm kơ tơring.

Iung pơma tơ̆ jơ tơƀơ̆p, ƀok Nguyễn Thái Học, Ƀĭ thư Đảng dêh char Lâm Đồng tơgoăt iŏk, bơnê rim nơ̆r tơgop tơpăt ‘lơ̆ng hơ iă đơ̆ng rim bơngai tang măt ăn rim hơnih chih kơtơ̆ng ang, adoi ‘meh vă hơnih chih kơtơ̆ng ang hơnơ̆ng yak hơdoi hăm tơring lơ̆m khei năr kơnh. Ƀlep khei ‘năr pơkă gô pơgơ̆r bơ̆ jang hăm rim hơnih chih kơtơ̆ng ang păng tơlĕch jang bơ̆ jang hloi hăm hơnih chih kơtơ̆ng ang.