Iung pơma tơ̆ jơ bơ̆ jang, Bí thư Trung ương Đảng, Kơdră chĕp pơgơ̆r Ban Tuyên giáo Trung ương Nguyễn Trọng Nghĩa sơkơ̆t hơdăh: lơ̆m prăt jăl jang kĕch mang, tơdrong oei sa joh ayŏ hơnơ̆ng đei Đảng bơ̆n lăng truh kơjăp hloh. Mă kăl, đơ̆ng blŭng Pơm lêh hop akŏm mă XIII truh dang ei, tơdrong oei sa joh ayŏ sa roi lăng ba kơjăp hloh dơ̆ng.

Rim nơ̆r tơgop pơma dơnuh tơ̆ jơ bơ̆ jang hơlen pơtôch jang kiơ̆ mĭnh poăt jăl jang kơ jang kiơ̆ tơdrong Tơchơ̆t Pơm lêh hop akŏm mă XIII kơ Đảng. Lơ̆m au tơdrong kăl ‘nŏh tơdrong oei sa joh ayŏ kon bơngai kiơ̆ trong pơkăp Pơm lêh hop akŏm XIII păng rim tơdrong tơchơ̆t đơ̆ng Trung ương. Khei năr kơnh, Hơnih tơm vei lăng Jŏh ayŏ kơdŏ soang Đă ƀŏng lŏng tơplŏng kơdau păng Tơmang pơhiơ̆ hơnơ̆ng iung jang kơtang hloh dơ̆ng chă tơchĕng hơlen pơm hơtŏk jơhngơ̆m đon hlôh vao tôm tong, kơtang hloh dơ̆ng găh tơdrong oei sa joh ayơ̆ kiơ̆ trong Tơchơ̆t Pơm lêh hop akŏm mă XIII, atŏk tơ iung oei sa joh ayŏ kiơ̆ trong mă Đảng hlôi tơlĕch ăn, ling lang lăng truh ‘lơ̆ng rŏ hơbŏ nhen, lơ̆m au găh kon bơngai ‘nŏh kăl hloh, khul jŏh ayŏ kơdŏ soang vang tơgop gĭt kăl.