‘Nau jing tơdrong kăl, đei ƀơm truh đĭ đăng dôm bơngai vơ̆r gre rok trong glung, đei bơngai tăh hla păng kon pơlei lăng kơjăp lơ̆m khei năr au ki.

Hrei au trong vă pơjing Khôi luơ̆t tŏk bŏk tơlĕch apinh nơ̆r tơgop đơ̆ng rim Kơdră tang măt Kuô̆k hô̆i 2 trong jang. Mă lei, rim kơdră jang lơ̆m Hơnih bŏ jang Khul kơdră chĕp pơgơ̆r Kuô̆k hô̆i drơ̆ng mĭnh nơ̆r, lăp đon hăm Trong vă jang mă 1, Tơchơ̆t ưh kơ ăn dôm bơngai đĭ et tơdrô hơlăk vơ̆r gre rok trong glung. Kơdră Hơnih bơ̆ jang Tư phap kơ Kuô̆k hô̆i Lê Thị Nga pơma hơdăh: Hloh khei năr jang kiơ̆ tơdrong tơchơ̆t au păng đei lơ kon pơlei lăp đon jang kiơ̆ păng roi năr roi jing tơdrong joăt “đĭ et tơdrô hơlăk ‘noh ưh kơ vơ̆r gre”, adoi pơm dă ƀiơ̆ đei tơdrong gre chă tơtơ̆m hơlŭk kơ yuơ đơ̆ng tơdrô hơlăk pơm ăn. Hơnih bơ̆ jang Khul kơdră chĕp pơgơ̆r Kuô̆k hô̆i jei athei tơchơ̆t hơdăh găh vei lăng năng tông hơ ioh mưh yak tơ̆ trong glung.