Tơ̆ dôm anih truh apong, khul kơdră dêh char Đăk Lăk xơkơ̆t hơdăh păng pôk bơnê kơ dôm tơdrong tơgop đơ̆ng Phâ̆t yăo hăm tơdrong jang vei lăng, tơ-iung pơjing păng hơtŏk kơ teh đak păng tơring. Rim ƀok pơgơ̆r, yă giĕng, bơngai kiơ̆ lui  Phâ̆t hlôi vang jang dôm tơdrong jang tơpôl, 'mêm bơnat, tơgŭm kon pơlei ƀơm 'mi kial pơrăm păng vang jang tơjur hin dơnuh, man hnam 'mêm kơ-eng, kiơ̆ đơ̆ng noh tơgop atŭm hăm dôm jăl jang đảng, jơnŭm pơgơ̆r tơring pơm jang đei jơnei tơchơ̆t găh mŭk drăm – tơpôl. Khul Kơdră dêh char Đăk Lăk hơpơi 'meh, hăm tơdrong adrin đơ̆ng rim ƀok pơgơ̆r, yă giĕng, bơngai kiơ̆ lui  Phâ̆t, jơnŭm pơgơ̆r Phâ̆t yăo Việt Nam dêh char Đăk Lăk pơtoi đei dôm tơdrong tơgop kăp gĭt, chĕp vei tơdrong juăt jue băt 'mêm kơ teh đak, hơtŏk tơguăt tơguăl vă hơtŏk tơ-iung dêh char roi năr roi pơdrŏng 'lơ̆ng rŏ.