Hloh ƀar sơnăm tơlĕch jang kiơ̆ Tơdrong tơchơ̆t 43/2022 kơ Kuô̆k hô̆i tơ̆ dêh char Dak Lăk hlôi iŏk đei jơnei hơ iă, tơgop pơm dă ƀiơ̆ tơnap tap ăn kon pơlei, hơnih mơdro sa, tơgŭm djru tơdrong jang mŭk drăm hơmet ming păng atŏk tơ iung.

Iung pơma tơ̆ jơ bơ̆ jang, yă Lê Thị Thanh Xuân, Kơ iĕng kơdră Khul kơdră tang măt Kuô̆k hô̆i Dak Lăk hôn bơnê kơtang dôm tơdrong hơdrin đơ̆ng Hơnih vei lăng kon pơlei dêh char hlôi tơlĕch tơtom, jơnei, tơgŭm djru tơdrong jang mŭk drăm, tơgum djru hơnih mơdro sa, kon pơlei yak hloh tơnap tap, atŏk tơ iung choh jang sa pơm tơlĕch tĕch mơdro. Adoi athei Hơnih vei lăng kon pơlei dêh char Dak Lăk hơnơ̆ng hơmet ming pơ lơ̆ng hla bơar chih tơbăt tơdrong bơ̆ jang ƀlep hăm tơdrong tơchơ̆t.