Pơma pơih blŭng hop akŏm, Phó Thủ tướng teh đak, Kơdră vei lăng Khul pơgơ̆r jang kơ tơring Tây Nguyên Trần Lưu Quang pơma hơdăh: Vă jang atŏk tơiung pran kơjăp ăn Tây Nguyên trŏ hăm đon pơhnŏng, nơ̆r athei đơ̆ng Tơdrong tơchơ̆t kơsô̆ 23 đơ̆ng Anih tơm Chinh trĭ, Thủ tướng teh đak hlôi kĭ tơlĕch Tơdrong jang atŏk tơiung mŭk drăm, tơpôl tơklep hăm vei sơđơ̆ng tơ̆ tơring Tây Nguyên.

Hop akŏm ‘măng mă âu pơma nuh găh dôm trong jang vă jăh bơ̆ jang đei dôm tơdrong hơgăt đei tơlĕch. Vang pơgơ̆r hop akŏm, Đại tướng Tô Lâm, Kơdră jang lơ̆m Anih tơm Chinh trĭ, Kơdră tơm vei lăng Công an lui akhan, đảng ƀô̆, Khul kơdră pơgơ̆r, khul linh păng kon pơlei dôm dêh char Tây Nguyên, vă yak hlŏh rim tơdrong pơmat tat, pơlong nol, bơ̆ jang đei dôm tơdrong jang atŏk tơiung mŭk drăm, tơpôl, vei lăng ‘lơ̆ng tơdrong sơđơ̆ng, jăh hơnhăk Tây Nguyên tŏk pran tôm tơdrong păng kơjăp ‘lơ̆ng.