Tơ̆ anih tơm Bắc Kinh, Khul Kơpal hlôi pơma đam hăm Khul Kơpal kơ Đảng Cộng sản Trung Quốc kơyuơ bơngai jang lơ̆m Anih tơm Chĭnh trĭ, Ƀĭ thư Anih jang Dăr hơlen păng Kih luơ̆t Trung ương Đảng Cộng sản Trung Quốc Lý Hy chĕp kơ̆l Khul Kơpal.

Tơ̆ pơma đam, Kơdră Anih jang Dăr hơlen Trung ương Trần Cẩm Tú sưkơ̆t hơdah, Việt Nam hơnơ̆ng lăng tơgĭt păng pơm jang hơtŏk tơbôl hăm Trung Quốc; kơchăng atŭm hăm Đảng păng Khul Kơpal teh đak Trung Quốc hơtŏk pran tơdrong tơbôl jang hadoi tôm tơdrong Việt Nam-Trung Quốc ah jăl hơtŏk tơ-iung 'nao hăm đon lui chĭnh trĭ kơjăp hloh, jang hadoi gah khul linh – vei sơđơ̆ng tơpôl tơnăp hloh, jang hadoi kơhret hloh, hăm tơpôl kơjăp hloh, jang hadoi gah hop akŏm lơ pah kơjăp hloh, dôm tơdrong tam mă lăp băl đei sek tơlang tơnăp hloh kiơ̆ tơdrong hlôh vao atŭm păng trŏ hăm khôi luơ̆t apŭng plenh teh.