Kơdră chĕp pơgơ̆r Kuô̆k hô̆i Vương Đình Huệ hôn bơnê kơtang hơnăp tơgop kơtang đơ̆ng khul Nghĭ si Tơgoăt tơgoăl Phalăng-Việt lơ̆m atŏk kơtang jang hơdoi ƀar păh hơnih bơ̆ jang Nghĭ viên, jing gơng tơroh ‘lơ̆ng hơ iă ăn tơgoăt tơgoăl Việt Nam  – Phalăng vă atŏk kơtang hloh dơ̆ng jang hơdoi ƀar teh đak lơ̆m rim tơdrong.

Kơdră chĕp pơgơ̆r Kuô̆k hô̆i ‘meh vă, ‘moi kiơ̆ khul Nghĭ si vă atŏk kơtang hloh dơ̆ng hơnăp jang kơ Kuô̆k hô̆i lơ̆m Jơnŭm pơma nơ̆r Phalăng; athei ƀar khul nghĭ si hơnơ̆ng đei tơgoăt tơgoăl kơjăp păng lơ tơdrong jang vă atŏk kơtang tơgoăt tơgoăl ƀar păh hơnih bơ̆ jang tang măt kon pơlei tơ̆ rim tơring kơ Phalăng păng rim tơring kơ Việt Nam. Mă kăl ‘noh dôm tơring tŏk bŏk tơgoăt tơgoăl pơm ‘nhŏng oh dih băl; ƀar khul nghĭ si atŏk kơtang pơtrŭt, pơrô̆ pơrôp, dăr lăng dôm tơdrong vă jang kĭ pơkăp ƀar păh khul kơdră chĕp pơgơ̆r ƀar teh đak.