Kơ iĕng Thủ tướng Trần Hồng Hà vang năm. 15 sơnăm au ki, um rup pơtrut hŏk pơhrăm ƀrông ƀrang đơ̆ng tơdrong iŏk đei jơnei kơ tơdrong pơgơ̆r pơtrŭt hŏk pơhrăm, pơtrŭt hơgei ling lang atŏk tơ iung, sơnăm đơ̆ng rŏng jơnei hloh sơnăm hơdrol.

Khul jang pơtrŭt hŏk pơhrăm hlôi đei pơjing rim tơring, phương, thĭ trân păng koeng kơphô̆, pơlei pơla hăm hloh 26 triu ‘nu bơngai. Iung pơma tơ̆ pơm lêh tơbăt, Kơ iĕng Thủ tướng Trần Hồng Hà pơma hơdăh: Vă teh đak Pơdrŏng pran kơtang lei tơdrong gơ̆h hơgei kơ kon bơngai ‘noh kăl hloh. Hăm trong kơnăl tơplih kơsô̆, tơplih jang rơgŏh ‘lơ̆ng, kăl atŏk kơtang tơdrong kơdih hŏk pơhrăm kơ rim răih kon pơlei, mă kăl ‘nŏh pơtho tơbăt dôm tơdrong gơ̆h hơgei khoa hŏk, kmăi kmŏk kơtơ̆ng ang. Adoi athei Hơnih tơm vei lăng Hnam trương pơtho pơhrăm iung jang hơdoi hăm Khul pơtrut Hŏk pơhrăm hrôih pơjing đei trong ‘lơ̆ng hloh dơ̆ng vă rim hơnih bơ̆ jang, ŭnh hnam jang kiơ̆ tơnăp hloh dơ̆ng.