Tơ̆ dôm tơring, tơdrong mă bơngai tăh hla bơngơ̆t lơ hloh ƀơm truh tơdrong sơđơ̆ng chĭnh trĭ păng sơđơ̆ng tơpôl, mă loi ‘noh jĭ đơ̆ng rŏng tơdrong đei ƀôh tơ̆ apŭng Cư Kuin, dêh char Dak Lak. Dôm bơngai tăh hla akhan, tơdrong đei ƀôh hlôi đei tơdrong bơngơ̆t truh, hơmet ‘lơ̆ng tơtom đơ̆ng khŭl lĭnh kơpal păng khŭl kơdră, pơm tơdrong sơđơ̆ng, drơ̆ng lăp đơ̆ng kon pơlei.

 Mă lei, ‘nâu kŭm jing tơdrong ưh kơ ‘lơ̆ng, jĭ ƀai hŏk vă pơ đĭ khŭl jang chĭnh trĭ kăl hơtŏk ‘lơ̆ng hloh jơhngơ̆m đon tơgoăt tơgoăl, kơchăng hăm dôm khŭl pơm kơ nê̆. Chih iŏk păng lăng ‘lơ̆ng dôm nơ̆r tơgop đơ̆ng bơngai tăh hla, khŭl tang măt Kuôk hô̆i dêh char Dak Lak hlôi athei dôm anih jang gơh kĭ ăn păng tơring tơblang hơdăh. Hăm dôm tơdrong nai, khŭl gô akŏm, apĭnh hăm Kuôk hô̆i, Khŭl kơdră teh đak păng dôm Anih tơm, anih jang lơ̆m dôm ‘măng hop akŏm đơ̆ng rŏng dơ̆ng.