Tơ̆ hop akŏm, bơngai tah hla Đắk Lắk akhan, lơ tơdrong đei ƀơm truh tơdrong arih xa kơ kon pơlei nhen: tơdrong iŏk pơdreu teh ưh đei rơđăh rơđong, hiơ̆ hyin lơ̆m tơdrong kla jên vă  chưk pơ ‘ngoăih teh, đei lơ pơmat tat mưh pơm hla ar tơplih tơdrong iŏk yoa teh tơ̆ plt Buôn Ma Thuột, mă đơ̆ng hlôi đei lơ ‘măng pơma apinh mă lei tam mă đei nơ̆r tơl tơblang hơđăl, ƀât lăp 1,2 anih jang kơpal đei ƀơm truh ưh đei tơl tơblang kiơ.

Găh noh dơ̆ng, bơngai tăh hla Đắk Lắk oei athei dôm anih jang kơpal hơnơ̆ng tơrek, tơmât jên jang, pơm hơmet trong tơ̆ tơring kơdrâm păng 1,2 tŏ trong tơ̆ xăh oei hư, kơnê̆; tơrek truh tơdrong man dơnâu đak; hơdai hăm ‘nŏh athei hơlen năng jên tơgŭm ăn kăn ƀô̆ pơlei, kueng kơ phô̆; đei trong tơgŭm găh ƀao hiêm pơgang ăn kon pơlei kon kông.