Việt Nam păng Czech pơjing tơdrong pơvei jang tơbôl đei hlŏh 70 sơnăm. Tơdrong pơvei jang hơdoi đơ̆ng 2 tĕh đak tŏk roi đunh roi ‘lơ̆ng lơ̆m rim tơdrong. Hrei ‘nâu tơpôl bơngai Việt Nam tơ̆ Czech đei năng jĭ hơdrĕch kon kông mă 14 kơ tĕh đak Czech. Vă pơm lăp hăm tơdrong ‘mĕh vă ‘nao kiơ̆ đơ̆ng yăn âu, tơdrong kĭ ăn Tơdrong tơchơ̆t găh tơgŭm tư pháp hăm tơdrong yoch sek phak tơplih ăn dôm tơdrong hơgăt tơgŭm tư pháp hăm tơdrong yoch sek phak đei chih lơ̆m Tơdrong tơchơ̆t sơnăm 1982 ‘nŏh tôch kăl, vang tơgop hơmet pơ ‘lơ̆ng luơ̆t găh tơdrong tơgŭm tư pháp đơ̆ng 2 tĕh đak. 

Tơdrong kĭ ăn tơdrong Tơchơ̆t ‘nâu lăp hăm trong jang tơbôl tôch kơchăng, adrin mât jang hơdoi hăm apŭng plenh tĕh tôm tơdrong đơ̆ng Đảng păng tĕh đak bơ̆n, hăm hơnăp jang ‘nŏh jĭ tĕh đak bơ̆ jang tôch tơnăp hăm tơpôl apŭng plenh tĕh, tơƀôh hơdăh dôm nơ̆r pơkăp hăm apŭng plenh tĕh đơ̆ng Việt Nam lơ̆m tơdrong jang tư pháp găh sek phak, jang hơdoi vang tang găn tơdrong yoch.