Tơmang tơ̆ Hnam pơgang apŭng plĕnh teh La Vie păng dôm dôm bơngai jĭ tŏk bŏk hơmet tơ̆ âu, Kơdră Kuôk hô̆i Vương Đình Huệ chih iŏk tơdrong hơdrin đơ̆ng kang ƀô̆, ƀak si, bơngai jang kơ Hnam pơgang, lăng ‘lơ̆ng anih jang, tơmam drăm, kơmăy kơmŏk ‘nao đơ̆ng Hnam pơgang yua đơ̆ng kon pơlei đơ̆ng Việt Nam oei tơ̆ Lào tơmơ̆t jên jang.

Kơdră Kuôk hô̆i ‘meh vă, rim kang ƀô̆, y ƀak si kơ Hnam pơgang hơnơ̆ng hơtŏk tơdrong joăt joe “Thây pơgang nhen Mĕ iơ̆m dim”, ling lang đĭ jơhngơ̆m, jang tơnăp lơ̆m pơvih pơvăn, khăm, hơmet jĭ, tơgop pơm kơjăp tơdrong pơvei jang hơdai tơbôl đơ̆ng 2 teh đak. Ƀlep ƀơ̆t ‘măng âu, Kơdră Kuôk hô̆i Vương Đình Huệ hlôi asong tơmam ăn kơ kang ƀô̆, ƀak si, bơngai jang pơgang kơ Hnam pơgang apŭng plĕnh teh La Vie tơ̆ Viêng Chăn.