Tơ̆ pơma dơnuh, Kơ iĕng Kơdră chĕp pơgơ̆r Kuô̆k hô̆i Nguyễn Đức Hải hlôi tơroi tơbăt dôm trong jang jơnei kơ Việt Nam lơ̆m atŏk tơ iung choh jang sa, tơ iung pơjing trong jang OCOP (mĭnh pơlei mĭnh tơmam drăm) păng athei Sri lanka ăn khul năm tơ̆ Việt Nam pơma dơnuh hơdăh găh tơdrong ou. Ƀar păh drơ̆ng nơ̆r ăn khul năm ngôi dih băl, khul kơdră tơƀơ̆p dih băl, atŏk kơtang kon pơlei yak năm ngôi dih băl, pơgơ̆r rim tơdrong jang hơ iă tơbăt 55 sơnăm pơjing tơbôl. Ƀar păh jei drơ̆ng mĭnh nơ̆r hơnơ̆ng hlôi kĭ pơkăp, pơm ‘nhŏng oh rim tơring, pơtrŭt kơtang jang hơdoi joh ayŏ, tơmang pơhiơ̆, Lui Phâ̆t, pơtrŭt sinh viên Sri Lanka năm hŏk pơhrăm tơ̆ Việt Nam.