Tơ̆ rim ‘măng tơƀơ̆p, Kơ iĕng Kơdră chĕp pơgơ̆r Kuô̆k hô̆i Nguyễn Thị Thanh sơkơ̆t hơdăh Việt Nam ling lang tơlĕch jang trŏ lăp, lơ pang, lơ tơdrong, jĭ boăl, jang hơdoi lui yom kơtang păng teh đak vang iung jang tơnăp, hăm hơnăp jang kơtang kơ tơpôl apŭng plĕnh teh; adoi sơkơ̆t hơdăh Việt Nam ling lang lăng Hoa Kỳ jĭ teh đak jang hơdoi kăl hloh păng ‘meh vă atŭm hăm Hoa Kỳ hơnơ̆ng jang kiơ̆ 'lơ̆ng tơgoăt tơgoăl jang hơdoi tôm tong kiơ̆ trong roi năr roi kơtang hloh, tơpă hloh, jơnei hloh.

Thượng nghị sỹ Marsha Blackburn hăm Thượng nghị sỹ Peter Welch hôn bơnê dôm nơ̆r pơma đơ̆ng Kơ iĕng Kơdră chĕp pơgơ̆r Kuô̆k hô̆i găh dôm tơdrong iŏk đei jơnei kơ tơgoăt tơgoăl dih băl prăt 30 sơnăm ou ki, sơkơ̆t hơdăh Hoa Kỳ lăng kơjăp tơgoăt tơgoăl hăm Việt Nam păng tơdrong ƀar teh đak pơm hơtŏk Jang hơdoi tôm tong sơnăm 2023 tơƀôh hơdăh Việt Nam hlôi jing teh đak jang hơdoi tơm dơnơm kơ Hoa Kỳ tơ̆ tơring.