Tơ̆ jơ tơƀơ̆p, Kơ iĕng Kơdră chĕp pơgơ̆r Kuô̆k hô̆i sơkơ̆t hơdăh, Việt Nam ling lang lăng kơjăp păng ‘meh vă atŏk kơtang tơgoăt tơgoăl jang hơdoi lơ tơdrong hăm Hungary, jĭ teh đak jang gơdoi tôm tong blŭng a păng kăl hloh hrei au kơ Việt Nam tơ̆ tơring Trung Đông Âu.

Kơ iĕng Kơdră chĕp pơgơ̆r Kuô̆k hô̆i ‘meh vă ƀar păh hơnơ̆ng atŏk kơtang tơƀơ̆p dih băl păng pơma dơnuh dih băl kơ khul kơdră, mă kăl khul kơdră kơpal, lơ̆m rim tơdrong jang Đảng, Khul kơdră Teh đak, Kuô̆k hô̆i păng kon pơlei năm ngôi dih băl vă hơmet pơ ‘lơ̆ng păng atŏk kơtang hloh dơ̆ng tơdrong lui dih băl kơjăp găh chinh trĭ păng hlôh vao dih băl, pơjing đei hơyak pran vă pơih să jang hơdoi dih băl lơ̆m rim tơdrong. Kơdră chĕp pơgơ̆r Kuô̆k hô̆i Hungary sơkơ̆t hơdăh, Việt Nam ‘noh teh đak jang hơdoi kăl hloh kơ Hungary tơ̆ Đông Nam Á. Kuô̆k hô̆i Hungary ling lang hơdrin đei jing hơnih dơ̆ng kăl hloh lơ̆m tơgoăt tơgoăl jang hơdoi ƀar teh đak.