Kơsơ̆ brei, năr 21/8, tơ̆ Hnam Kuô̆k hô̆i, Kơdră jang lơ̆m Hơnih tơm Chinh trĭ, Kơ iĕng Kơdră chĕp pơgơ̆r Kuô̆k hô̆i Trần Thanh Mẫn-Kơdră Hơnih chĕp pơgơ̆r Hop akŏm dăr lăng hơlen Hop akŏm Nghĭ si sơnăm mơlôh lơ̆m plei teh ‘măng mă 9, hlôi pơm tơm ‘măng hop akŏm hăm Hơnih chĕp pơgơ̆r, rim Hơnih jang tơgŭm ăn Hơnih chĕp pơgơ̆r păng Ban Thư ký Quốc gia vă dăr lăng bơ̆ jang hơmet ăn pơgơ̆r Hop akŏm. Kơ iĕng Kơdră chĕp pơgơ̆r Kuôk hô̆i Trần Thanh Mẫn pơma hơdăh, Hop akŏm Nghĭ si sơnăm mơlôh lơ̆m plei teh ‘măng mă 9 kơ Jơnŭm atŭm Nghĭ viê̆n Apŭng plĕnh teh (IPU) kơ yuơ Kuô̆k hô̆i Việt Nam chĕp pơgơ̆r ‘nŏh jing tơdrong pơgơ̆r jang tơbôl gĭt kăl hlŏh kơ Đảng, Teh đak bơ̆n lơ̆m sơnăm au.

‘Nau jing tơdrong jang chinh trĭ tih tên hlŏh, rim hơnih bơ̆ jang kăl iung jang mă ‘lơ̆ng bơ̆ jang hơmet ăn, tơgŭm ăn Hop akŏm, vă pơjing đei ‘lơ̆ng rŏ hơbŏnhen hăm rim kơdră tang măt vang năm Hop akŏm găh um rup teh đak, kon bơngai Việt Nam; bơ̆ jang sơng hơvơn-pơvih pơvăn mă tơnăp, ‘lơ̆ng hơ iă.lăp pă hloh 20 năr dơ̆ng ‘nŏh hlôi truh năr pơgơ̆r Hop akŏm, khei năr hơmet ăn pă đei đunh, pơma hơdăh găh tơdrong au, Kơ iĕng Kơdră chĕp pơgơ̆r Kuô̆k hô̆i Trần Thanh Mẫn pơkă athei rim hơnih bơ̆ jang đei ƀơm truh kăl iung jang đĭ ai, tơlĕch jang keh đang dôm tơdrong jang đei pơjao.