Vă sơđơ̆ng ăn tơdrong tĕch răt tơmam drăm, găh tơmam drăm trŏ lăp ăn tơdrong ‘meh vă kơ kon pơlei, mă kăl rim tơmam drăm phe ƀa, tơmam sa păng rim tơmam drăm yua kăl, mă kăl vă tơgum ăn tơdrong ‘meh vă răt iŏk yua lơ lơ̆m rim khei năr lêh, têt vă đĭ sơnăm.

Kơ iĕng Thủ tướng Lê Minh Khái athei rim Hơnih tơm, hơnih bơ̆ jang, tơring kăl lăng kơjăp dôm trong hlôi tơlĕch ăn, jang kiơ̆ kơjăp rim nơ̆r pơrô̆ đơ̆ng Khul kơdră Teh đak păng Thủ tướng Teh đak. Iung jang dăr lăng kơjăp găh kơjă tơmam drăm, tơdrong tŏk jur lơ̆m apŭng plĕnh teh, tơtom tơbăt rim tơdrong hơmơt pơm ăn kơjă tŏk jur lơ̆m teh đak, jang kiơ̆ jơnei păng ‘lơ̆ng hơ iă lơ̆m hơmet pơ ‘lơ̆ng kơjă rim tơmam drăm teh đak vei lăng năng tông.