Tơ̆ ‘măng pơma dơnuh hăm Kơdră chĕp pơgơ̆r Khul pơchoh trong jang mŭk drăm Jared Bernstein, Kơ iĕng Thủ tướng Lê Minh Khái akhan, lăp đơ̆ng rŏng pơm hơtŏk tơgoăt tơgoăl jing jang hơdoi gĭt kăl tôm tong lơ̆m khei 9 sơnăm 2023, ƀar teh đak gô đei lơ jơ ‘năr păng jơhngơ̆m pran ‘nao ăn jang hơdoi lơ tơdrong jang.

Kơ iĕng Thủ tướng akhan, jang hơdoi mŭk drăm-Mơdro sa sa roi gĭt kăl hloh dơ̆ng păng hơnhăk đei iŏk yua mŭk drăm hơdăh, hơnơ̆ng jing tơdrong tơm păng jơhngơ̆m pran ăn pơtrŭt kơtang tơgoăt tơgoăl ƀar teh đak; athei ƀar teh đak hơnơ̆ng tơlĕch jang jơnei dôm tơdrong jang lơ̆m tơgoăt tơgoăl Jang hơdoi gĭt kăl tôm tong. Ƀok Bernstein pơma tơbăt jơhngơ̆m đon chơt hơ iă găh tơdrong atŏk tơ iung tơgoăt tơgoăl Việt – Mi, mă kăl lơ̆m tơdrong jang mŭk drăm-mơdro sa-tơmơ̆t jên jang; sơkơ̆t hơdăh, Mi gô hơnơ̆ng atŏk kơtang hloh dơ̆ng jang hơdoi ƀar teh đak lơ̆m khei năr au kơnh.