Kiơ̆ tơbăt đơ̆ng Hơnih tơm vei lăng Hnam trương pơtho pơhrăm, ‘Măng pơlong lĕch ‘măng khoă Jăl pêng sơnăm 2024 đei pơgơ̆r nhen lơ̆m jăl sơnăm 2020-2023. Bơ̆ jang lăng pơlong đei pơgơ̆r lơ̆m rim năr 26, 27 păng 28/6, bơ̆ jang chơ̆m ƀai pơlong đei jang kiơ̆ trong pơprŏ atŭm đơ̆ng năr 29/6 truh năr 14/7, tơbăt hơdăh điêm pơlong lơ̆m 8 jơ năr 17/7 tơ̆ Hơnih tơm vei lăng Hnam trương pơtho pơhrăm păng tơ̆ 63 dêh char, pơlei tơm.

Akŏp măt bơngai hŏk tro chih hơnăn vang năm pơlong ‘noh hloh 1 triu 710.000 ‘nu, tŏk hloh 45.000 ‘nu hŏk tro pơtêng hăm sơnăm sơ̆. Hăm hloh 1 triu 710.000 ‘nu hŏk tro lơ̆m 63 dêh char, pơlei tơm, gô đei dang 200.000 ‘nu kang ƀô̆, ƀok thây kô, khul kŏng ang, ƀô̆ đô̆i, ƀok thây pơgang, hơnih jang ŭnh hơyuh ... đei ăn vang năm bơ̆ jang. Kơ iĕng Thủ tướng Lê Thành Long athei Hơnih tơm vei lăng Hnam trương pơtho pơhrăm păng rim hơnih tơm, hơnih jang kăl iung jang hơdoi kơjăp vă atŭm hăm tơring iung tơjră hăm rim tơdrong sar bar, adoi pơjing rơvơn ‘lơ̆ng hơ iă hloh ăn hŏk tro năm pơlong.