Tơ̆ tơƀơ̆p, Kơ iĕng Thủ tướng Nguyễn Hòa Bình pơma hơdăh, tơgoăt tơgoăl chinh trĭ Việt Nam-Anh atŏk tơ iung ‘lơ̆ng liĕm, rim hơnih mơdro sa Anh jang ‘lơ̆ng, lơ hơnih mơdro sa hlôi jang jơnei tơ̆ Việt Nam păng hơmŏ roi năr roi kơtang đei dơ̆ng lơ bơngai tơmơ̆t jên jang Anh lăng kơtang rim tơdrong jang kăl tơ̆ Việt Nam. Lơ̆m khei ‘năr apung plĕnh teh tơplih kơtang, Kơ iĕng Thủ tướng sơkơ̆t hơdăh Việt Nam tŏk bŏk atŏk kơtang tơplih trong bơ̆ jang, hơmet pơ ‘lơ̆ng tơdrong tơmơ̆t jên jang, hơvơn rim bơngai tơmơ̆t jên jang, mă kăl lơ̆m tơdrong jang kmăi kmŏk gơ̆h hơgei (AI), bán dẫn, ŭnh hơyuh rơgoh ‘lơ̆ng. Pơtôch jơ bơ̆ jang, ƀar păh drơ̆ng mĭnh nơ̆r hơnơ̆ng iung jang hơdoi kơjăp ‘moi kiơ̆ Hơnih tang măt teh đak păng rim hơnih bơ̆ jang hơdăh, vang pơtrŭt kơtang rim tơdrong jang hơdoi kăl păng hơnhăk tơgoăt tơgoăl jang hơdoi Việt Nam - Anh kơtang hloh dơ̆ng, tơpă hloh dơ̆ng păng jơnei kơjăp.