Kiơ̆ tơbăt đơ̆ng Hơnih tơm Pơprŏ tơdrong jang păng Tơmơ̆t jên jang, Pơprŏ tơdrong jang tơlĕch ăn truh sơnăm 2030, tơring Tơmăn đak kroong Hồng atŏk tơ iung tĕnh koăng, kơjăp ‘lơ̆ng, đei trong jang muk drăm trŏ lăp, hơnhăk trŏ lăp hăm tơdrong oei sa joăt joe hơdrĕch hơdrung; akŏm atŏk tơ iung hơnih jang kmăi kmŏk, mơdro sa gơ̆h hơgei păng choh jang sa kmăi kmŏk hơgei, rơgoh ‘lơ̆ng đei iŏk yua kơjăp; jing hơnih tơm pơtho pơhrăm khul bơ̆ jang hơgei, khul jang kơsô̆ kơ teh đak, yak hơlau atŏk tơ iung khoa hŏk-kmăi kmŏk, tơplih ‘nao tơchăr, tơplih kơsô̆, mŭk drăm kơsô̆, tơpôl kơsô̆; đei hơnih jang mŭk drăm-tơpôl ‘lơ̆ng hơ iă, gơh hơgei, đei trong tơgoăt dih băl.

Pơma pơtôch hop akom, Kơ iĕng Thủ tướng Trần Hồng Hà athei: Pơprŏ jang kăl pơm hơdăh hloh dơ̆ng trong atŏk tơ iung Pơprŏ jang tơring, tơdrong rơvơn kăl, kiơ̆ tơring, đơ̆ng noh mă gơ̆h vă tơ iung pơjing đei Trong pơprŏ jang ‘lơ̆ng hơ iă kiơ̆ ƀlep tơring, pơtrŭt kơtang atŏk tơ iung kơ Tơring tơklep hăm hơnih dơ̆ng muk drăm, chinh trĭ lơ̆m teh đak.