Vă tơlĕch jang jơnei Trong pơprŏ jang Tơring hlôi đei Thủ tướng Teh đak kĭ tơchơ̆t, rim hơnih tơm, hơnih bơ̆ jang, tơring đei ƀơm truh kăl tơroi tơbăt jơ̆p jang, tơpăt hơdăh truh hăm kon pơlei, hơnih mơdro sa, rim hơnih jang mŭk drăm lơ̆m teh đak păng teh đak đe vă hơvơn vang iung jang đơ̆ng rim pang ƀơm truh jơnei ‘lơ̆ng hơ iă hloh.

Iung pơma tơ̆ Hop akŏm, Kơ iĕng Thủ tướng Teh đak Trần Hồng Hà, Kơdră chĕp pơgơ̆r Khul kơdră chĕp pơgơ̆r Tơring sơkơ̆t hơdăh, Trong pơprŏ jang Tơring Bắc Trung bộ păng Tơmăn miền Trung jăl jang 2021-2030, lăng truh sơnăm 2050 tơƀôh hơdăh trong jang, trong tơlĕch jang atŏk tơ iung kăl hloh. Trong pơprŏ jang au pơ̆ih ăn atŏk tơ iung ‘nao, pơjing hơyak pran ăn atŏk tơ iung mŭk drăm-tơpôl kơ tơring Bắc Trung bộ păng Tơmăn Trung bộ lơ̆m khei năr kơnh.