Ƀar ‘nu Kơ iĕng Thủ tướng hlôi pơma dơnuh păng drơ̆ng mĭnh nơ̆r kĭ pơkăp đĭ đăng Trong vă jang atŏk tơ iung jang hơdoi Việt Nam – Nga truh sơnăm 2030, adoi nhen trong jang kiơ̆ lơ̆m rim tơdrong jang kmăi kmok, choh jang sa, mơdro sa, jang pơgang ...; rim tơdrong pơkăp đei ƀơm truh jang hơdoi găh đak dou păng mĭnh ƀar tơdrong jang găh ŭnh hơyuh joăt joe đơ̆ng sơ̆; trong jang hơdoi lơ̆m choh jang sa; tơlĕch jang tơ iung pơjing ming man hnam trương jăl pêng Nga tơ̆ Hà Nội. Kơ iĕng Thủ tướng Trần Hồng Hà athei ƀar păh hơnơ̆ng vei kơjăp bơ̆ jang tơbăt dih băl kơtơ̆ng ang, pơma dơnuh dih băl tĕnh koăng, tơtom vă xek tơlang hloi dôm tơdrong tơhlăk tơhlĭn lơ̆m tơlĕch jang rim tơdrong jang, tơdrong vă jang hơdoi; chă tơchĕng hơlen trong kĭ pơkăp hla bơar drơ̆ng mĭnh nơ̆r jang hơdoi ƀar păh khul kơdră teh đak hăm mĭnh ƀar tơdrong jang kăl hloh.