Kơ iĕng Thủ tướng drơ̆ng nơ̆r hăm nơ̆r athei đơ̆ng Kơdră chĕp pơgơ̆r Yamaguchi Natsuo găh tơdrong atŏk kơtang tơƀơ̆p dih băl khul Đảng, Kuô̆k hô̆i ƀar teh đak, lơ̆m au atŏk kơtang tơƀơ̆p pơma dơnuh dih băl nghị sĩ, mă kăl nghĭ si drŏ kăn, nghĭ si sơnăm mơlôh, atŏk kơtang jang hơdoi ƀar teh đak lơ̆m lơ tơdrong; athei Đảng Công minh tơgŭm djru rim trong jang pơjing rơvơn ăn kon pơlei Việt Nam mơ̆t oei, hơrih sa păng bơ̆ jang tơ̆ Nhật Bản. 

Kơdră chĕp pơgơ̆r Yamaguchi hôn bơnê kơtang tơdrong ƀar teh đak đei lơ tơdrong jang tơƀơ̆p dih băl pơgơ̆r joh ayŏ kơdŏ soang, lơ̆m au đei Pơgơ̆r pơm lêh Việt Nam tơ̆ cham să Yoyogi, Tokyo hăm vang năm đơ̆ng kơhrĕng rơbau ‘nu bơngai, đei kon pơlei Nhật Bản pơma atŭm păng Tokyo pơma hơdrô̆ hưch hanh hơmanh bơnê; tơbăt jơhngơ̆m đon ‘meh vă pơm kơdră chĕp kơ̆l khul Nghĭ si Đảng Công minh năm tơmang Việt Nam lơ̆m sơnăm 2023.