Hop akŏm hlôi tơbăt hơdăh Tơdrong tơchơ̆t đơ̆ng Thủ tướng Teh đak kĭ tơchơ̆t pơprŏ tơring jăl jang 2021-2030, lăng truh sơnăm 2050. Kiơ̆ kơ ‘noh, jăl jang 2021-2030 tơring Tây Nguyên pơkăp atŏk tơmam drăm jô̆ hơtŏ đei 7-7,5%; jang sa iŏk đei jô̆ hơtŏ măt bơngai 130 triu hlak jên. Hop akŏm jei hlôi pơgơ̆r hop akŏm pơtôch 1 sơnăm jang kiơ̆ Tơdrong tơchơ̆t 23 đơ̆ng Hơnih tơm Chinh trĭ păng tơdrong iung jang đơ̆ng Khul kơdră teh đak găh atŏk tơ iung mŭk drăm, tơpôl, sơđơ̆ng dơ̆ng kơjăp lơ̆m tơring Tây Nguyên.

Pơma pơtôch hop akŏm, Kơ iĕng Thủ tướng Teh đak Trần Lưu Quang akhan, khei năr ou ki, mŭk drăm, tơpôl tơring Tây Nguyên hlôi đei tơplih kơtang. Rim dêh char kĕ vă atŏk kơtang lơ̆m khei năr kơnh hăm 3 tơdrong gơ̆h jang hloi. ‘Noh Trong glung tơƀư̆h dih băl. Mă ƀar ‘noh atŏk tơ iung tơmang pơhiơ̆, kiơ̆ tour mă lei pơkă mĭnh hơnih tơmang pơhiơ̆ kăl đei tơdrong hơ iă kơdih kơdih. Mă pêng, gơ̆h chă tơgŭm dih băl lơ̆m tơdrong hơvơn lơ̆m teh đak păng teh đak đe tơmơ̆t jên jang.