Kiơ̆ chih akŏm, tơdrong tơlĕch jang Chă hơvơn tơgŭm pơm hnam tơguăt tơguăl ăn unh hnam hin dơnuh kơ dêh char sơkơ̆t tơbăt 70 sơnăm đei jơnei Điện Biên Phủ gô đei pơgơ̆r ah tong hơnê̆ khei 3/2024. Tơdrong sơkơ̆t gô hơlen lăng tơdrong đei jơnei lơ̆m pơm kiơ̆ Tơdrong jang kơsô̆ 09; lêh pơjao 5.000 tŏ hnam tơguăt tơguăl ăn unh hnam hin dơnuh kơ dêh char; pôk hơpah kơ dôm anih jang, bơngai jang hơgei lơ̆m tơdrong chă hơvơn tơgŭm păng pơgơ̆r jang kiơ̆ Tơdrong jang 09.

Tơ̆ ‘măng pơm jang, ƀok Đỗ Văn Chiến pơkăl dêh char Điện Biên hơmet minh ƀar tơdrong lơ̆m tơlĕch jang đei: hơmet tơdrong akŏm pơma dơnuh hăm dôm bơngai bơ̆ng pang jing rơih dôm bơngai tang măt iung pơma tơroi gah tơdrong đei ƀôh; hơtŏk tơdrong pơma dơnuh hăm tơdrong joh hơri lơ̆m lêh pôk bơnê; tơplih gah kơsô̆ bơngai tang măt kiơ̆ tơdrong kĕ đei kơ tơring.