Pơma dơnuh hăm dôm anih jang ƀăo, Kơdră anih jang Tuyên giáo Trung ương Nguyễn Trọng Nghĩa ră hơdah, khei năr âu ki, ƀăo chĭ hơnơ̆ng hơlen tơnăp dôm tơdrong đei ƀôh kăp gĭt kơ teh đak, hơnơ̆ng hơdrin vă jang tơnăp sơnong jang kơ dôm anih jang tơroi tơbăt  kơ teh đak, anih jang ƀăo dơnơm.

Kơdră anih jang Tuyên giáo Trung ương Nguyễn Trọng Nghĩa ră hơdah, hăm trong jang hơgei kơ tơdrong jang kăch mang Kŏng ngĭp 4.0 tơlĕch nhen pơkăl, rim anih jang ƀăo păng dôm bơngai jang ƀăo ưh kơ hơdrô̆ chĕp vei kơjăp gah tơdrong jang chĭnh trĭ, tơdrong juăt jang mă oei athei pơm tơm tơdrong khua hŏk kŏng ngê̆ vă tơroi tơbăt dơnơm kơ Việt Nam truh hăm bôl boăl lơ̆m kơpal teh gơh tenh kuăng hloh.