Ƀơ̆t tơbăt 76 sơnăm Năr Linh jĭ rơka, Linh lôch dŏng teh đak, kơsơ̆ năr  24/7, ƀok Nguyễn Trọng Nghĩa, Kơdră Anih jang Tuyên giáo Trung ương atŭm hăm Khul kơpal kơ Anih jang Tuyên giáo Trung ương hlôi truh apong păng pơm jang tơ̆ dêh char Bến Tre păng pơjao jên man hnam 'mêm kơ-eng ăn unh hnam mă teh đak tơchơ̆t tơgŭm tơ̆ tơring âu.

Pơma ăh jơ bơ̆ jang, ƀok Nguyễn Trọng Nghĩa chơt hơ-iă hăm tơdrong tơplih kơ tơring teh juăt jue kăch mang, atŭm hăm noh sơkơ̆t hơdăh: Đảng – Teh đak hơnơ̆ng tơrĕk tơgŭm, ling lang ƀlŏk bơnê hăm tơdrong tơgop plang tih tên đơ̆ng đe Linh Nuih mơng, linh lôch plang păng unh hnam teh đak tơchơ̆t tơgŭm; tơdrong jang “ƀlŏk bơnê”, tơƀôh đon kơchĕng “nhă đak chăm kơtu” hơnơ̆ng đei tơrĕk jang. Ƀok adoi pơkăl tơring chĕp vei đon bơnôh kơ pơlei pơla Nuih mơng iung tơjră, jang tơnăp hloh tơdrong ƀlŏk bơnê, tơgŭm ăn tơdrong hơrih đe Mĕ Việt Nam Nuih mơng, rim unh hnam mă teh đak tơchơ̆t tơgŭm, unh hnam tơgŭm jơhngơ̆m hăm kăch mang, unh hnam hin dơnuh, unh hnam tơnap tap, vă hơtŏk jang sơđơ̆ng tơdrong hơrih, tơgop hơtŏk tơ-iung tơ̆ tơring păng teh đak.