Tơ̆ jơ pơm jang, kơdră dêh char Khánh Hòa tơroi hăm Khul Kơpal kơ Anih pơgơ̆r jang Trung ương gah tơdrong jang mŭk drăm – tơpôl, tơdrong jang pơ-‘lơ̆ng Đảng lơ̆m 10 khei sơnăm 2024 păng minh ƀar sơnong jang tơm lơ̆m khei năr truh. Pơma ah jơ pơm jang, Kơdră Anih pơgơ̆r jang Trung ương Lê Minh Hưng pơgơ̆r Anih jang Tĭnh uy Khánh Hòa tơrĕk truh pơgơ̆r jang tơnăp minh ƀar tơdrong jang dơnơm lơ̆m khei năr truh; hơnơ̆ng tơplih ‘nao gah trong pơgơ̆r jang đơ̆ng Đảng; Hơtŏk kơtang tơplih ‘lơ̆ng hanh chĭnh lơ̆m Đảng; Hơtŏk tơdrong pơgơ̆r đơ̆ng Đảng, mă kăl noh tơdrong pơgơ̆r đơ̆ng Đảng hăm jơnŭm pơgơ̆r tơring, Măt trâ̆n tôh kuôk păng dôm Anih jang chĭnh trĭ - tơpôl; Hơtŏk tơdrong pơgơ̆r đơ̆ng Đảng hăm tơdrong pơgơ̆r jang kang ƀô̆; Pơm kiơ̆ tơnăp sơnong jang kơ bơngai chĕp kơ̆l lơ̆m tơplih jang hanh chĭnh păng pơjing jơnŭm jang bot ‘lơ̆ng, pơm jang tơnăp tơ̆ anih jang, tơ̆ tơring.