Kơtă ah truh pơlei tơm Điện Biên Phủ, yă Trương Thị Mai atŭm hăm khul kơpal hlôi truh chô̆ kơƀang hnam Tơguăt tơguăl ăn unh hnam ƀok Lò Văn Minh, oei tơ̆ pơlei Co Pục, xah Hua Thanh, apŭng Điện Biên. ‘Nâu jing unh hnam hin dơnuh, tơdrong hơrih tơnap tap, đei tơgŭm 50 trĭu hlj vă pơm hnam tơguăt tơguăl.

Ƀơ̆t ‘măng âu, yă Trương Thị Mai atŭm hăm khul kơpal hlôi asong 8 tơnô̆ tơmam ăn dôm unh hnam hin dơnuh tơ̆ xah Hua Thanh, apŭng Điện Biên. Adoi lơ̆m kơsơ̆ ‘năr brei, yă Trương Thị Mai atŭm hăm khul kơpal păng đe kơdră dêh char Điện Biên hlôi năm hơlen tơdrong jang hơmet ăn dôm tơdrong tơbăt 70 sơnăm đei iŏk jơnei Điện Biên Phủ tơ̆ Đồi A1, Cham tơplŏng kơdâu dêh char Điện Biên păng minh ƀar jăk trong ‘măn ăn lêh pơrok pơrŏ lơ̆m lêh tơbăt truh âu kơnh.