Tơ̆ jơ sơng, Kơdră tơm Lương Tam Quang lăng ‘lơ̆ng hơnăp jang, tơdrong tơgop đơ̆ng kơdih Bơngai tang măt lơ̆m tơdrong pơtrŭt pơvei 2 pang Australia - Việt Nam, mă loi ‘noh tơdrong hơtŏk tơdrong pơvei 2 teh đak tŏk jang hơdai gĭt kăl tôm tơdrong ƀlep ƀơ̆t ‘măng năm ngôi tơ̆ Australia đơ̆ng Thủ tướng Phạm Minh Chính lơ̆m khei 3 âu ki.

Vă hơnơ̆ng pơtrŭt tơdrong pơvei jang hơdai đơ̆ng Anih tơm vei lăng Kŏng an păng dôm anih jang kiơ̆ khôi luơ̆t Australia, Kơdră tơm Lương Tam Quang athei 2 păh hơnơ̆ng pơvei bơ̆jang, tơlĕch jang hơdai kiơ̆ dôm hla ar jang hơdai hlôi kĭ pơkăp; hơnơ̆ng tơchĕng hơlen pơma đam Drơ̆ng nơ̆r jang hơdai lơ̆m tơdrong jang vei sơđơ̆ng mạng păng tang găn pơm glăi kơmăy kơmŏk hơgei. Hơnơ̆ng pơma dơnuh tơroi băl tơdrong kơtơ̆ng ang găh dôm kơloăi pơm glăi đei pơgơ̆r klĕch teh đak, vei lăng mơ̆t lĕch đơ̆ng băl, tơroi băl tơdrong kơtơ̆ng ang găh tang găn năm mơ̆t lĕch păng năm mơ̆t oei glăi tơhli tơdrong sơđơ̆ng teh đak kơ 2 teh đak.