Mă loi ‘noh âu ki, ƀlep ƀơ̆t Kơdră tơm teh đak Joe Biden năm ngôi tơ̆ Việt Nam, Mi păng Việt Nam hlôi hơtŏk tơdrong pơvei tŏk Jang hơdai Gĭt kăl tôm tơdrong. Jang hơdai lơ̆m tơdrong jang mŭk drăm, mơdro sa, tơmơ̆t jên jang đơ̆ng Việt Nam - Mi hơnơ̆ng jing hơnih hơdăh, jĭ tơdrong tơm gĭt kăl păng tưk tơiung pơtrŭt tơdrong pơvei 2 teh đak.

Kơdră tơm Lương Tam Quang ‘meh vă, Grŭp jang Kơmăy kơmŏk kơtơ̆ng ang Mi, hăm hơnăp jang ‘noh jĭ khŭl jang đei lui ngeh păng đei bưng ai đơ̆ng Mi, akŏm dôm kŏng ti tih hloh apŭng plĕnh teh găh kơmăy kơmŏk kơtơ̆ng ang păng tơroi tơbăt, kăl kơ hơnơ̆ng hơtŏk hloh dơ̆ng hơnăp jang ‘noh jĭ gơng tơƀưh đơ̆ng Khŭl kơdră teh đak păng anih mơdro sa 2 teh đak vă pơtrŭt jang hơdai mŭk drăm, mơdro sa, tơmơ̆t jên jang đơ̆ng 2 păh, mă loi ‘noh jĭ tơmơ̆t jên jang đơ̆ng dôm anih mơdro sa kơmăy kơmŏk kơtơ̆ng ang tih hloh kơ Mi tơ̆ Việt Nam.