Tơ̆ jơ sơng pơma dơnuh, vă pơtrŭt hloh dơ̆ng pơvei 2 pang Việt Nam - Mi pơma atŭm păng pơvei jang hơdai đơ̆ng Anih tơm vei lăng Kŏng an hăm dôm bơngai jang hơdai kơ Mi pơma hơdrô̆, Kơdră tơm Tô Lâm athei 2 păh hơnơ̆ng jang hơdai kơjăp, hrôih đei dôm hơyak năm hơdăh; đei dôm trong jang hơdai lăp, ‘lơ̆ng lơ̆m rim tơdroñg jang vă tơlĕch jang đei yua dôm nơ̆r pơkăp lơ̆m tơlĕch jang tơdrong pơvei Jang hơdai gĭt kăl tôm tơdrong hlôi đei kơdră kơpal 2 teh đak drơ̆ng nơ̆r ƀlep ƀơ̆t ‘măng năm ngôi, bơ̆jang đơ̆ng Kơdră tơm teh đak Mi Joe Biden truh tơ̆ Việt Nam âu ki.

Bơnê Kơdră tơm Tô Lâm hlôi ‘măn jơ năr sơng khŭl, Bơngai tang măt Marc Knapper pơma hơdăh, Anih jang tang măt Mi gô hơnơ̆ng jang hơdai, bơ̆jang kơjăp hăm dôm anih jang kơpal kơ Anih tơm vei lăng Kŏng an Việt Nam vă tơlĕch jang đei ‘lơ̆ng păng jơnei dôm tơdrong jang hơdai 2 pah vang bơngơ̆t truh, mă loi ‘noh jĭ dôm tơdrong jang hơdai hlôi đei kơdră kơpal drơ̆ng nơ̆r kiơ̆ Tơdrong jang hơdai gĭt kăl tôm tơdrong Việt Nam-Mi yua kơ tơrong rơngei, jang hơdai păng hơtŏk tơiung kơjăp.