Kiơ̆ chih jô̆ hơlen đơ̆ng Anih vei lăng kon pơlei dêh char Đắk Nông, đei hloh 1.000 tơdrong jang kơ dêh char đei tơ gar hơdrom hăm chĕng hơmet teh bô xít, lơ̆m hơgăt teh tŏk truh vă jê̆ 6.700 héc ta. Tơdrong ‘nâu hơnhăk truh dôm tơdrong tơlĕch trong jang tơmơ̆t jên jang lơ̆m dêh char Đắk Nông athei pơdơh ‘mơ̆i, ƀơm ưh kơ ‘lơ̆ng truh tơdrong sơng iŏk tơmơ̆t jên jang.

Đơ̆ng rŏng jơ bơ̆jang hăm kơdră dơnơm dêh char Đắk Nông, Kơdră Anih tơm vei lăng găh Tơmam drăm păng Cham char Đặng Quốc Khánh kŭm hăm tơdrong jang năm lăng yan âu tơ̆ tơring jang bô xít păng Hnam kơmăy alumin Nhân Cơ, vă chă trong hơmet pơ ‘lơ̆ng mơmat tat, tơhlăk tơhlĭn ăn tơring.