Năm ngôi, hmach thơ thou têt ăn Khul tang măt Quốc hội dêh char Đắk Lắk, Kơdră Anih vei lăng hơdrĕch kon kông Y Thanh Hà Niê Kđăm pôk pơ ư tơdrong adrin đơ̆ng Khul tang măt Quốc hội dêh char Đắk Lắk mưh jang đang ‘lơ̆ng rim tơdrong jang lơ̆m sơnăm 2023.

Atŭm hăm ‘nŏh, Kơdră Anih vei lăng hơdrĕch kon kông roi tơbăt dơ̆ng 1,2 tơdrong jang đơ̆ng Quốc hội kŭm nhen đơ̆ng Anih vei lăng hơdrĕch kon kông lơ̆m sơnăm  âu ki păng athei, lơ̆m sơnăm 2024, khul tang măt Quốc hội dêh char Đắk Lắk hơnơ̆ng bơ̆ jang ‘lơ̆ng tơdrong jang đei pơjao, hơtŏk đon rơgei mưh bơ̆ jang đơ̆ng bơngai tang măt ăn kon pơlei, hơnhăk ba nơ̆r pơma đơ̆ng bơngai tăh hla, kon pơlei truh jê̆ ƀiơ̆ hăm Quốc hội.

Ƀlep ƀât ‘măng mă âu, kiơ̆ đơ̆ng akŏm jên tơmam đơ̆ng dôm anih tĕch mơdro, bơngai đei đon ‘lơ̆ng, Kơdră Anih vei lăng hơdrĕch kon kông pơjao ăn Anih Mặt trận Tổ quốc Việt Nam dêh char Đắk Lắk 250 triu hlak jên vă hơpăh tơmam ăn dôm unh hnam kon kông đei tơdrong arih xa pơmat tat tơ̆ dêh char ƀlep ƀât Tết Nguyên đán Giáp Thìn 2024.