Iung pơma tơ̆ jơ bơ̆ jang, ƀok Lương Cường athei, Ban Tuyên giáo Trung ương kăl akŏm băt hơdăh tơdrong đei ƀơm truh bơ̆ jang tuyên yăo, iung jang kơtang, chă tơchĕng hơlen pơchoh trong găh bơ̆ jang tơ iung pơjing Đảng, găh chinh trĭ, jơhngơ̆m đon ‘lơ̆ng. Adoi, kăl iung jang hơdoi hăm rim hơnih bơ̆ jang ƀơm truh vă pơchoh trong, tơlĕch trong jang tơ iung pơjing hơnih jang, kang ƀô̆. Kơdră chĕp pơgơ̆r Ban Bí thư akhan, kăl atŏk kơtang hloh dơ̆ng bơ̆ jang tơbăt, pơrô̆ pơrôp vă pơjing đei drơ̆ng mĭnh nơ̆r kơtang lơ̆m Đảng păng lơ̆m pơđĭ tơpôl, tơlĕch jang kiơ̆ kơjăp Chủ nghĩa Mác- Lê Nin păng jơhngơ̆m đon ‘lơ̆ng Hồ Chí Minh lơ̆m chăl hle. Kăl vei kơjăp trong jang, jang kiơ̆ kơjăp atŭm hăm iung jang kiơ̆ tơplih ‘nao, atŏk kơtang tơchăr, jang ‘lơ̆ng. Hơnơ̆ng jang kiơ̆ kơjăp ‘lơ̆ng hloh dơ̆ng dôm tơdrong bơ̆ jang đơ̆ng kơdih lơ̆m khei năr kơnh.