Iung pơma tơ̆ jơ bơ̆ jang, Kơdră chĕp pơgơ̆r Ban Bí thư Trương Thị Mai pơma hơdăh, hrei au tơdrong tơblă tơblŭng lơ̆m apŭng plĕnh teh hơnơ̆ng tok kơtang, tơdrong sơđơ̆ng ưh kơ ‘lơ̆ng, tơplih tŏ ‘mi kial tôch mơmat tat ... lơ̆m khei ‘năr hle Khul Ƀô̆ đô̆i so kăl hơnơ̆ng iung jang kơtang tơdrong jang đơ̆ng kơ dih vă sơđơ̆ng tơdrong bơ̆ jang kơ Đảng. Khul kăl jang ‘lơ̆ng hơnăp jang chinh trĭ vă tơgop lơ̆m pơrô̆ pơrôp kiơ̆ trong bơ̆ jang tih tên đơ̆ng Đảng păng Teh đak.
Yă Trương Thị Mai athei, kăl hơnơ̆ng atŏk kơtang tơdrong jang kiơ̆ Tơdrong tơchơ̆t Pơm lêh hop akŏm ‘măng mă VII kơ Khul, 2 trong tơlĕch jang kơtang mă Khul rơ̆ih iŏk. Hơnơ̆ng iung jang băt hơdăh tơdrong, jơhngơm đon hơlêm Ƀô̆ đô̆i so vang iung jang lơ̆m tơdrong bơ̆ jang kơ Đảng. Adoi tơbăt, dôm nơ̆r apĭnh athei tơ̆ jơ bơ̆ jang năr au gô đei dăr lăng hơnơ̆ng păng chih tơmơ̆t lơ̆m Hla bơar tơbăt bơ̆ jang kơ Tơdrong tơchơ̆t 09 vă pơtruh ăn Hơnih tơm Chinh trĭ, Ban Bí thư khei năr kơnh.
Viết bình luận