Tơ̆ jơ sơng ƀok Nguyễn Trọng Nghĩa păng Bơngai tang măt ăn teh đak Mi tơ̆ Việt Nam drơ̆ng 1 nơ̆r sơnăm 2025 jĭ sơnăm tôch kơ gĭt kăl, tơƀôh ăn tơbăt 50 sơnăm Việt Nam rơngei teh đak, 30 sơnăm Việt Nam - Mi pơvei ‘lơ̆ng, jĭ ‘măng vă 2 teh đak vang hơdai băl chih iŏk dôm hơyak năm kơjung, đơ̆ng sơ̆ truh hrei ‘nâu păng yak truh tơ̆ hơnăp kơnh.

2 păh pơma hơdăh tơdrong pơvei ‘lơ̆ng hơiă đơ̆ng 2 teh đak ‘noh đei ƀôh đơ̆ng ‘meh vă trŏ ƀlep đơ̆ng kon pơlei 2 teh đak, jĭ tơdrong bơ̆jang kiơ̆ ‘lơ̆ng trĕng lăng, tơdrong hơgăt păng hơdrin đơ̆ng dôm kơdră chĕp kơ̆l kơ 2 teh đak, lơ̆m jơhnơr arih kŭm nhen chăl hle. Tơdrong pơvei Việt Nam - Mi gô jing 1 tơdrong ‘lơ̆ng ăn tơdrong hơnŭk hơnoa păng sơđơ̆ng tơ̆ 1 lơ̆m dôm tơring gĭt kăl hloh lơ̆m apŭng plĕnh teh, yua kơ tơdrong rơngei, sơđơ̆ng, jang hơdai păng hơtŏk tơiung kơjăp.