Tơ̆ tơƀơ̆p, Kơdră dơnơm Anih radiô nơ̆r pơma Việt Nam Đỗ Tiến Sỹ hmach hơiă kơ dôm Kơdră vei lăng Anih jang tang măt Việt Nam tơ̆ teh đak đe đei pôk tơmơ̆t lơ̆m dôm hơnih bơ̆jang gĭt kăl, hơdai hăm pơma hơdăh: dôm Kơdră tang măt, Bơngai tang măt ‘noh jĭ dôm bơngai chĕp hơnăp jang đơ̆ng Đảng, Teh đak păng kon pơlei lơ̆m tơdrong jang tơbôl, jĭ gơng tơƀưh hăm bơngai Việt Nam tơ̆ teh đak đe.

Anih radiô nơ̆r pơma Việt Nam ‘noh jĭ hơnih jang pơre nơ̆r gĭt kăl hloh tơ̆ Việt Nam đei radiô pơih pơre ăn bơngai teh đak đe, bơ̆jang lơ hơnăp jang chĭnh trĭ, tơpôl hăm 13 nơ̆r pơma... Anih Radiô nơ̆r pơma Việt Nam tŏk bŏk bơ̆jang Tơdrong jang tơroi tơbăt lơ kơ loăi, lơ kơmăy kơmŏk “Việt Nam – Chăl hơtŏk tơiung”, vă tơƀôh hơdăh tơdrong chĕp kơ̆l đơ̆ng Đảng hlôi tơgŭm teh đak hơtŏk tơiung pran kơtang, yak truh chăl jang tŏk ‘nao, tơƀôh hơdăh bưng ai păng hơnih dơ̆ng lơ̆m apŭng plĕnh teh. Kơdră dơnơm Anih radiô nơ̆r pơma Việt Nam Đỗ Tiến Sỹ ‘meh vă Khŭl Kơdră anih jang tang măt ăn Việt Nam đei dôm tơdrong hơmet ming liơ vă kơ lăp, tơroi tơbăt đei tơdrong ‘nao, roi tơbăt đei dôm tơdrong hơiă đơ̆ng apŭng plĕnh teh đei yua ăn Việt Nam păng Việt Nam mơ̆t jang hơdai hăm tơpôl apŭng plĕnh teh.